Ons Tuis / Monumenttehuise

Andries Marie Oosthuizen Tehuis

Splinternuwe sitkamer

Uiteindelik is H-gang se sitkamer voltooi. Dis te danke aan skenkings van Klerksdorp Doringkruin gemeente wat dit vir ons moontlik gemaak het om nuwe gordyne, blindings en matte te kon insit. Die meubels is mooi oorgetrek en nuwe strooikussings is aangekoop.

Hier is 'n foto om te kan sien hoe mooi dit nou lyk:

nuwe_sitkamer

Geesdriftige boemelaars

Valentynsdag 2013 was 'n prettige affêre by Amot. Inwoners het geesdriftig deelgeneem en volgens die boemelaarstema aangetrek:

boemelaars1 boemelaars2

boemelaars3 boemelaars4



Kortnuus

Die jaar is alreeds volstoom aan die gang en ons Boemelaars-Valentynsfunksie is op hande. Vir ons gholfdag op 7 Junie benodig ons nog borge en pryse. Alle belangstellendes word versoek om asb so gou moontlik met ons te skakel by tel 056 811 2185 sodat hierdie dag tot voordeel van ons inwoners 'n groot sukses kan wees.

Hierdie jaar het ons ook elke kwartaal kursusse vir personeel ontwikkeling. Die volgende onderwerpe sal hanteer word: Kommunikasie, konflikhantering, interpersoonlike vaardighede, streshantering en sterwensbegeleiding.  Professionele persone
van Potchestroom en ds W Smith sal betrokke wees by die opleiding. 

Meer oor ons

Ons bied 24-uur totale fisiese versorging van verswakte bejaardes, wat alle aspekte van versorging insluit soos:

  • Emosionele ondersteuning
  • 3 etes per dag vir verswakte bejaardes
  • Pastorale sorg
  • Sosiale aktiwiteite op 'n gereelde basis.

 

Woonreg- en huurwoonstelle is beskikbaar, asook kamerfasiliteite met eie geriewe.

Gedagte vir die maand

"Die natuur is die altyd wisselende veelkleurige kleed van God" (Johann Wolfgang von Goethe)

Wenslysie

Ons Tuis benodig lugversorgers vir die Alzheimer-afdeling. Skenkings en donasies sal waardeer word.

Van Rensburg Tehuis benodig die volgende vir hul arbeidsterapiesessies:

  • Musiekinstrumente (dromme, klokkies, maraka's, tamboryn)
  • Sagte lekkers, suigstokkies, sjokolade, ens vir pryse
  • Wol, "chunky" en "double knit"
  • DVD's oor die natuur, diere, ens.
  • Standaard kragopwekker

Amot benodig:

  • Fotostaatpapier
  • Huisplante
  • Sitkamerstel
  • Stortjel
  • Skryfbehoeftes
  • Lakens
  • Komberse
  • Dekens
  • Handdoeke
  • Gordyne
  • Kantgordyne
  • Hospitaalbedmatrasse

Louis Trichardt Tehuis benodig:

  • Industriële tuimeldroër
  • Matwasser
  • Industriële skoonmaaktrollies met mops
  • Herstelwerk aan gordyne
  • Sitkamerstel
  • Enkelbedmatrasse
  • Biblioteekboekrak
  • Hulp met fondsinsamelingsprojekte
  • Toiletware, lekkers, "luukshede" om by verjaardagpakkies te voeg
  • Vrywilligers

Belangrike datums

Junie
2   – Amot: Pannekoek
8   − Emily Hobhouse: Wintertee Tooi Turkoois
11 – Amot: Vadersdagete
18 – Van Rensburg: Vadersdag

Julie
7   – Amot: Sop en sjerie, Kaas en wyn
29 – Louis Trichardt: Kersfees in Julie

September
1   – Amot: Lentedag. Blommetjies en bytjies
9   – Louis Trichardt: Lentetee
13 – Amot: Breekommitee
15 – Amot: Pannekoek
20 − Emily Hobhouse: Uitstappie

Oktober
1   – Amot: Nasionale dag vir bejaardes bederf
7   − Emily Hobhouse: Speelgoed kompetisie
12 − Emily Hobhouse: Lentebraai
24 – Van Rensburg: Lentedag
28 – Amot: Personeelafsluiting Golf Estate

November
4   – Piet Potgieter: Brille & Pille Bikers Ralley en Bazaar
18 – Amot: Ouer kind dag met kunstenaar
23 – Louis Trichardt: Kersete
29 − Emily Hobhouse: Kersprogram (Dienssentrum)
Nov – Van Rensburg: Jaareindfunksie

Desember
1−15 Des – Piet Potgieter: Kersliggie Fees
6   – Amot: Kersete
28 − Emily Hobhouse: Oujaarsbraai
30 – Amot: Braaivleis