| Gemeenskapsbetrokkenheid |
|
Al die tehuise vann OTMT is bevoorreg om mense se hê wat omgee – omgee vir die inwoners, in die eerste plek, en dan ook omgee vir die voortsetting van die werk wat in die tehuise en dienssentrums gedoen word. Hierdie omgee kom op verskillende wyses tot uiting. So is daar NHSV (Nederduitsch Hervormde Kerk Sustersverening) takke wat as voogde by die verskillende tehuise in gedeel is. Hierdie takke onderneem om maandeliks besoek aan die spesifieke tehuis te bring en aan die inwoners versnapperinge te verskaf. Dikwels kan tehuise by NHSVs aanklop vir bykomende hulp. Die verskillende gemeentes, van alle denominasies, waarin die tehuise geleë is, speel 'n groot rol in die welstand van die inwoners. Bybelstudies, eredienste en welwillendheidsbesoeke vind gereeld plaas. Die skole in die onmiddellike omgewing van die tehuise se betrokkenkheid lewer 'n groot bydrae om die lewe van inwoners aangenaam te maak. Speletjies word deur die kinders aangebied en besoeke word gebring. Ons wil graag alle belangstellendes uitnooi om deel te word van die groot "familie" wat betrokke is by die welstand van ons inwoners. Kontak ons gerus vir meer inligting.
|