Ons Tuis / Monumenttehuise

Ons Tuis Riviera

Valentynsdag 2017

Op Saterdag 11 Februarie 2017 het die firma Boogertman en Vennote die inwoners kom verras met ‘n vroeër Valentynsdag.  Die inwoners het hierdie geleentheid baie waardeer. Die inloer het vir elke inwoner baie beteken en was kosbare oomblikke.
OTValentyns2017a
OTValentyns2017bOTValentyns2017cOTValentyns2017d
OTValentyns2017eOTValentyns2017fOTValentyns2017g

Mandela Dag by Ons Tuis

Die gemeenskap het werklik uitgereik na die inwoners van Ons Tuis, Riviera – dit was 'n fees. Almal het ingespring en die inwoners het elkeen iets geniet van die goedhartigheid van die gemeenskapslede.

image1In die oggendure het daar 'n groep spontane helpers van die Transstate groep opgedaag. Hulle was reg om hulle 67 minute van gemeenskapswerk saam met die inwoners van Ons Tuis te deel. Die helpers het ingeval by die Arbeidsterapiegroep waartydens die inwoners kralewerk gedoen het. Hulle het help beplan, ryg en maak aan die ouer persone se eindprodukte. In die proses is daar nuwe vriende gemaak en heelwat glimlagte gedeel.

image2Oor middagete arriveer die vriendelike image3personeel van Ocean Basket Hatfield wat 67 boksies vis en skyfies kom uitdeel het aan ons inwoners. Daar was ‘n gewoel in die afdelings en almal het kompleet hulle vingers afgelek.

Later die middag het personeel van La Pentola restaurant ook hulle deel van 67 minute van gemeenskapswerk kom doen. Hulle het vir al die inwoners van Ons Tuis heerlike sagte roomys en toffie-sous kom uitdeel. Die inwoners kon amper nie hul geluk glo nie!

Baie dankie aan almal wat hulle 67 minute afgestaan het en aan ons ouer persone gedink het − vriendelikheid en goedhartigheid kos niks, maar is ewig blywend!

image4

 

Kersfees-pret saam met die Tshwane Polisie Orkes!

polisie orkes kersprogram 095Wie sou kon raai dat die Polisie sulke grapmakers kan wees EN dan nog 'n noot of twee kan uitkry wat jou asem wegslaan?

Ons Tuis het 'n heerlike oggend beleef saam met die orkes wat alles van Jingle Bells tot Stille Nag vir ons op 'n meesterlike manier gespeel het! Die saal was propvol en die aandag 100% gevestig op die pragtige verwerkings deur'n meesterlike orkes … daar het nie 'n muis geroer nie!

polisie orkes kersprogram 061Groot dank aan die orkeslede met hulle besondere harte wat nie net vir ons kom musiek speel het nie, maar regtig interaksie en belangstelling getoon het in ons inwoners. Dit was so 'n voorreg om te sien hoe die orkes skoon aangedaan geraak het toe Ons Tuis se inwoners vir hulle 'n gebed sing as dankie en seënwense aan die einde van die optrede.

Dit is die orkes se tweede optrede by ons en ons hoop om hulle volgende jaar terug te hê wanneer dit dan ook hulle 100ste verjaarsdag sal wees. Aan al die Polisie Orkeslede – julle is besonders en mag die pragtige verhouding tussen ons bly voortbestaan!polisie orkes kersprogram 119

Gedagte vir die maand

"Die natuur is die altyd wisselende veelkleurige kleed van God" (Johann Wolfgang von Goethe)

Wenslysie

Ons Tuis benodig lugversorgers vir die Alzheimer-afdeling. Skenkings en donasies sal waardeer word.

Van Rensburg Tehuis benodig die volgende vir hul arbeidsterapiesessies:

  • Musiekinstrumente (dromme, klokkies, maraka's, tamboryn)
  • Sagte lekkers, suigstokkies, sjokolade, ens vir pryse
  • Wol, "chunky" en "double knit"
  • DVD's oor die natuur, diere, ens.
  • Standaard kragopwekker

Amot benodig:

  • Fotostaatpapier
  • Huisplante
  • Sitkamerstel
  • Stortjel
  • Skryfbehoeftes
  • Lakens
  • Komberse
  • Dekens
  • Handdoeke
  • Gordyne
  • Kantgordyne
  • Hospitaalbedmatrasse

Louis Trichardt Tehuis benodig:

  • Industriële tuimeldroër
  • Matwasser
  • Industriële skoonmaaktrollies met mops
  • Herstelwerk aan gordyne
  • Sitkamerstel
  • Enkelbedmatrasse
  • Biblioteekboekrak
  • Hulp met fondsinsamelingsprojekte
  • Toiletware, lekkers, "luukshede" om by verjaardagpakkies te voeg
  • Vrywilligers

Belangrike datums

Junie
2   – Amot: Pannekoek
8   − Emily Hobhouse: Wintertee Tooi Turkoois
11 – Amot: Vadersdagete
18 – Van Rensburg: Vadersdag

Julie
7   – Amot: Sop en sjerie, Kaas en wyn
29 – Louis Trichardt: Kersfees in Julie

September
1   – Amot: Lentedag. Blommetjies en bytjies
9   – Louis Trichardt: Lentetee
13 – Amot: Breekommitee
15 – Amot: Pannekoek
20 − Emily Hobhouse: Uitstappie

Oktober
1   – Amot: Nasionale dag vir bejaardes bederf
7   − Emily Hobhouse: Speelgoed kompetisie
12 − Emily Hobhouse: Lentebraai
24 – Van Rensburg: Lentedag
28 – Amot: Personeelafsluiting Golf Estate

November
4   – Piet Potgieter: Brille & Pille Bikers Ralley en Bazaar
18 – Amot: Ouer kind dag met kunstenaar
23 – Louis Trichardt: Kersete
29 − Emily Hobhouse: Kersprogram (Dienssentrum)
Nov – Van Rensburg: Jaareindfunksie

Desember
1−15 Des – Piet Potgieter: Kersliggie Fees
6   – Amot: Kersete
28 − Emily Hobhouse: Oujaarsbraai
30 – Amot: Braaivleis