| Seniorstuis Dienssentrum |
|
Seniorstuis Dienssentrum bestaan reeds sedert 1 Augustus 1992. Die sentrum lewer ondersteunende dienste aan inwoners van die drie selfstandige behuisingskomplekse op die terrein van Ons Tuis Tehuis sowel as aan lede van die gemeenskap in die omgewing van Riviera. Die Dienssentrum bestaan uit 'n saal, eetkamer, 'n goed toegeruste kombuis, kliniek, biblioteek asook kantore vir die personeel. Daar is ook 'n ingerigte lapa net buite die sentrum. Die saal met 220 stoele word deur die susterkerke gebruik vir eredienste en begrafnisse. Die saal en eetkamer beskik oor 'n baie goeie klankstelsel en oorhoofse projektor wat vir konferensies aangewend kan word. Twee maal per jaar word die stoele uit die groot saal verwyder en omskep ons hierdie ruimte speel-speel in 'n Winter- of Kersmark. Die fondse wat deur die markte ge-in word, speel 'n kardinale rol in die voortbestaan van hierdie Dienssentrum, aangesien die Dienssentrum geen staatsubsidie ontvang nie.
|
